Hierdie resep is baie soos ‘n wortel koek maar nou net in ‘n muffin vorm. Hierdie resep is net vir die muffins en nie vir die icing wat bo-op kom nie. Meskien ‘n gesonder weergawe.
Bestanddele:
250 ml (150 g) volkoringmeel
5 ml bakpoeier
3 ml fyn kaneel
250 ml (80 g) koringkiem
1 eier
80 ml sonneblomolie
125 ml (100 g) bruinsuiker
5 ml koeksoda
50 ml vetvrye melk
250 ml wortels, fyngerasper
60 g pekan- of okkerneute, gekap
Metode:
- Sif die meel, bakpoeier en kaneel. Voeg die koringkiem en die doppies wat in die sif agterbly by.
- Klop die eier, sonneblomolie en bruinsuiker, en meng dit dan by die droe bestanddele in.
- Los die koeksoda op in die vetvrye melk. Voeg die melkmengsel, wortels en neute by die meel.
- Roer goed en skep dan die mengsel in gesmeerde muffinpanne. Maak die panne driekwart vol.
- Bak vir 15 tot 20 minute of tot goudbruin en deurgaar.
Volgende Resep: Groot Maat Kerrie en Rys