Bestanddele vir die deeg:
500 g Koekmeelblom
10 ml Sout
5 ml Suiker
45 g Botter
10 g Droë gis
300 ml Louwarm water
Of as jy nie die deeg self wil maak nie koop dan sommer by Spar, Pick ‘n Pay.
Bestanddele vir die vulsel:
1 Beesworsie, gaargemaak
3 Repies spek, gebraai
1 Sampioen, in repies gesny en gebraai
’n Halwe ui, in skywe gesny en gebraai
2 Hardgekookte eiers
’n Hand vol gerasperde kaas
Metode vir brood:
- Pasop vir mis gis. Vryf die botter deeglik by die droë bestanddele en voeg die gis by.
- Gooi genoeg water by om ’n deeg te vorm en knie dit vir vyf minute.
- Laat rus die deeg vir sowat vyf minute.
Metode vir vulsel:
- Voorverhit die oond tot 180° C.
- Verdeel die deeg in twee en rol elkeen met jou hande in ’n silindervorm.
- Druk dan die rolle deeg met jou hande platter totdat jy twee dik, reghoekige stukke die grootte van ’n vatlappie het.
- Verdeel die vulsel in twee en pak alles behalwe die kaas bo-op die twee stukke deeg.
- Vou dit toe en strooi die kaas bo-oor.
- Laat die twee broodjies uitrys en bak hulle dan tot ligbruin.
Volgende Resep: Naan Brood